Біз әр қызметкер өзінің немен айналысатынын нақты түсінетін, бойында қандай дағдыларды дамыту керектігін білетін және өз еңбегінің ортақ нәтижеге қалай әсер ететінін сезінетін орта қалыптастырамыз. Егер сіз жұмысты тек тұрақтылық көзі ретінде емес, үздіксіз даму мүмкіндігі ретінде қарастырсаңыз, біздің орта сізге сай.
Іріктеу кезеңінде үміткерлер өздерінің ойлау ерекшеліктерін, мықты тұстарын және даму бағыттарын анықтайтын арнайы тестілеуден өтеді. Сонымен қатар, компанияда 2–3 жыл жұмыс өтілі бар қызметкерлер де өз қабілеттері мен табиғи таланттарын тереңірек түсіну мақсатында Gallup тестінен өтеді. Бұл олардың әлеуетін жұмыста тиімді пайдалануға мүмкіндік береді.
Алғашқы үш айда әр қызметкерге тәлімгер бекітіледі. Тәлімгер жұмыс процесін ұйымдастыруға көмектеседі, міндеттер жоспарын жасайды және командаға бейімделу кезеңінде жан-жақты қолдау көрсетеді.
Сынақ мерзімі барысында аралық және қорытынды кері байланыс сессиялары өткізіледі. Сессияларға қызметкердің өзі, тәлімгері, тікелей жетекшісі және HR маманы қатысады.
Бұл кездесулер күтілетін нәтижелерді нақтылауға, жұмысты түзетуге және болашақтағы даму бағыттарын айқындауға мүмкіндік береді.
Әртүрлі бөлім командаларымен бірлесіп жұмыс істеу кәсіби көкжиекті кеңейтіп, жаңа білім мен тәжірибе алуға мүмкіндік береді. Осылай өзара байланыста болу қызметкерлердің сараптамалық деңгейін арттырып, күрделі міндеттерді жан-жақты қарастыруға көмектеседі.
Жобалардың ауқымы кеңейген сайын компанияда жаңа жұмыс бағыттары пайда болады. Біз ең алдымен үлкен жауапкершілікті өз мойнына алуға дайын қызметкерлерге жаңа мүмкіндіктер ұсынамыз. Sana Holding-те мансаптық өсу нақты нәтижелерге, бастамашылдыққа және кәсіби дамуға негезделеді.
.png)
.png)
.png)
.png)